قصص وناس

قصّة مصوّرة لدارين طاطور | يوميّات على السّاحل

arab_c_a's profile picture
 
"أنا آلاء من نابلس، يافا هي بلدي، عمري 24 سنة وهذه أول زيارة إلي لبلدي الأصلية، تعلمت كثير في المدرسة عن فلسطين وعن تضاريسها، قرأت كثير عن البحر وشفتّله صور، 24 سنة وأنا أتخيل كيف هو شكل البحر في الحقيقة؟! حتى أجت هذه اللحظة اللي التقيت فيها مع البحر في الحقيقة وشفته قدام عيوني ولامست ميته المالحة.أنا عم برقص على شط يافا من شدة فرحي، ولأني يمكن مش رح أقدر أشوفه مرة ثانية. بدي أعيش كل لحظاتي الجميلة وأنا في بلدي وبحري. خروجي من نابلس ووصولي لهون  كان مليء بالمخاطر والصعوبات. البحر كان بالنسبة لي مجرد حلم يصعب تحقيقه ولمّا تحقق صار من الصعب علي أتركه وأترك يافا، لكن ما في اشي بايدي أعمله غير إني أتأمل بالعودة لهون مرة ثانية وأعيش فيه".